Чимхийн төдий орчлон байсан ч яахав чиний л төлөө....
Асгарсан их хайраараа зам мөрийг тань тэгшилье
Амилсан их халамжаараа заяа буяныг тань даая
Энэрэх гэгээн сэтгэлээ нар шиг өнөд мандааж
Энхрий хэдэн үрсэд тань насны ерөөл хураая
Минийх гэсэн бүхнийг тань өр зүрхэндээ тээж
Мэндийн хадган ёсоор үүрд дээдлэн анирдая
Учрахын хувьтай төрснөө хишиг хэмээн баясаж
Уулзахын тавилантай өдрөө аз хэмээн бахдаж
Амталж шунасан жаргалаа төгс хэмээн шүтэж
Амраг чинийхээ л төлөө бүүвэй өргөн аргадъя
Амсхийх чөлөөг огоорон анхных болгон өнгөлье
Ай миний бодол амраасан хайр минь...
Хань минь
Өглөөд чи надтай л хамт нарыг угтаж
Өдөрт чи надтай л хамт инээн ярилцдаг
Үдэш чи духыг минь үнэрлээд
Үүл аргадах мэт аяархан тэмтэрээд
Хайр минь чи бодолд минь хаан адил залрах юм
Хүүд минь чи аавын хайр харцаараа өгөөд
Хүний тавилангийн эрээн барааныг ярилцаад
Хүслээрээ би эжий тань болж эхийн хайр бялхааж
Хүүхдээрээ болж хааяаахан чамдаа тунирхаад
Хань минь чи ухаанд минь аав адил хүндлэгдэх юм
Хүүхэн хонгор бие минь ирвэгнэнхэн тэчъяадаад
Хүний царайлаг хүү харийн болж харагдаад
Цээжнээ лугших алимхан чиний л биенд шүргэх гээд
Цэвэр даруу ааль эр нөхрөө санаглзаад
Хань минь чи хайрынхаа хаан нь юм даа
No comments:
Post a Comment